十大鹽書

睇勻「十大鹽書」黃榕頭號核突

娜姐貴為寫真集女王，由她來品評今年「十大鹽書」，自然最適合不過！

第1位：黃榕（Gloria）泰山之友

「佢喺公眾地方全裸，有咁嘅勇氣的確令人欽佩，若然係我就過唔到自己嗰關！留個美好回憶畀自己係好，但唔好影到咁核突！佢投奔大自然，希望佢撞到泰山，咁就唔使做囉！」

第2位：許穎（Phoebe）幾好生養

「好重口味！睇到佢Pat Pat都幾好生養，不過呢本係寫真，點解毫無美感可言？」

第3位：陳靜儀（Mia）真係過火

「我未睇晒佢本書，不過概念幾好，知佢大犧牲，不過真係太過火喇！」

第4位：林宜芝（Monna）誘發幻想

「攞絲帶包住自己，想當自己係禮物咩？咁好誘發別人幻想喎！小心畀人搏懵！」

第5位：鍾采羲（Iris）典得肉酸

「典床典席我都做過，不過唔覺得佢典得有美感囉！唔似寫真，反而似第二啲書囉！」

第6位：冬甩（Donut）毫無重點

「個個都做唔到重點！是但啦！做過我對手，之後做我師妹對手，個結果咪一樣！」

第7位：謝芷蕙（Cammi）百變的臉

「佢好百變呀……個樣！其實我覺得佢唔好着住校服擘髀囉！費事又畀人話有癖好！」

第8位：吳小櫻（小櫻）急需包裝

「其實唔係太認識呢個女仔，不過佢某啲角度真係幾娘，重新包裝過會更好，唔好一味晒身材！」

第9位：方媛（Moka）樣不襯身

「個樣都幾Cute，可惜個樣唔襯身形！我前幾年都畀人話沖涼寫真踩界，希望佢冇事啦！」

第10位：曾善美（Mei Mei）玩轉童話

「玩白雪公主Feel係令人有遐想，不過小心畀啲衞道之士話童話人物都玩埋，祝佢好運！」